BR LA UNION – Plano ita ti Department of Health (DOH) nga ideklara iti national public health emergency gapu iti panagngato ti kaso ti human immunodeficiency virus (HIV) infections.
Segun kenni DOH Secretary Ted Herbosa, a dumanon iti 500 percent ti panagngato ti HIV infections kadagiti agtawen ti 15 agingga 25.
Makaalarma agsipudta iti nailista a kaubingan a nakaptan ti sakit gaputi pannaki-naig ket 12-anyos a babae manipud Palawan.
Innayon ti sekretaryo a ti Pilipinas iti addaan kangatuan a kaso iti intero a Western Pacific Region ken makapadanag agsipudta kaadwan a bikitma ket dagiti agtutubo.
Inallokoy ti Department of Health iti publiko nga agbalin nga impormado maipanggep ti Human Immunodeficiency Virus (HIV).
KInuna ni Herbosa, ti HIV test ket libre met ken confidential. Addaan da pay ti available a self-test kits kadagiti HIV care facilities ditoy pagilian.
Nagballaag pay ti ahensiya kadagiti sexually-active individuals nga ugalien ti safe sex babaen ti panangaramat kadagiti condoms, lubricants, ken ti regular a konsultasyon kasta met ti panag-inom ti Pre-Exposure Prophylaxis (PrEP) kadagiti agkasapulan iti daytoy.
Imballaag ti sekretaryo a nu saan a maatipa ti panagwaras ti HIV ditoy Pilipinas ket mabaline a lumbes daytoy ti 400-K a kaso.
Maibasar ti datos manipud DOH, manipud bulan ti Enero agingga Marso iti ita a tawen ket nakailista dan ti 5,101 a kumpirmado a kaso ti HIV.
Ngimmato d ti 50% manipud ti 3,409 a kaso a nailista ti kapada a panawen idi napalabas a tawen. Kayat na sawen ket agingga 57 a baro a kaso ti inaldaw a mailislista para ti pakabuklan a 148,831 a kaso ti HIV ti intero a Pilipinas.
Kabayatanna, paubing pay a paubing dagiti mataktakuatan nga agpospositibo iti sakit ken ti kaubingan a nagpositibo ket ti 12-anyos manipud Palawan.
Segun iti ahensiya, ti sexual contact ti same sex iti kangrunaan a rason ti HIV ita a tawen 2025.
