LA UNION – Siguradwen ti Department of Health (DOH) nga agtultuloy a makaawat ti health services benefits manipud Philippine Health Insurance Corporation (PhilHealth) dagiti miyembro na, iti laksid ti kaawan ti maawat a pondo ti ahensya inton 2025.
Daytoy ket kalpasan nga imbaga ti kangatuan a pagpandayan linteg idiay Kongreso nga awan ti maawat a pondo ti ahensya inton 2025 gapu iti P600 billion a reserve funds daytoy.
Kumpyansa iti health bureau a trabaho ti PhilHealth a bayadan iti amin nga health services dagiti miyembro na, nga uray awan ti maawat na a pondo iti General Appropriations Act.
Segun kenni DOH Secretary Teodoro Herbosa a maysa a board chairperson ti PhilHealth, iti benipisyo ti amin nga inpatient, outpatient, agraman special benefit packages nga idiay-diaya ti PhilHealth aket rumbeng a masungbatan ti ahensya.
Iti report ti DOH, iti total benefit expenditures ti PhilHealth idi 2023 ket umabot iti P74 billion, bayat nga idi 2024, iti total expenditures manipud Enero aginggan Setyembre ket umabot iti P135 billion ken nakapastrek pay ti ahensya ti P463.7 billion idi 2023.
