Impasigurado ti Department of Justice iti kinasaganada a mangipasidong ni sigud nga Ako Bicol Party-list Representative Zaldy Co iti Witness Protection Program ti ahensia.
Segun kenni Justice Spokesperson Polo Martinez, mabalin nga agsubmitir ti aplikasion ni Co iti DOJ tapno makunsidera ken maipasidong iti nasao a programa.
Inlawlawag na a saan nga otomatiko a maiserbi iti maysa nga indibidual iti panangipaay ti proteksion isu a kasapulan ti boluntaryo a panagaplikar.
Daytoy a proseso ket maibasar iti immunan a waragawag ni Prosecutor General Richard Anthony Fadullon, ngem kasapulan pay nga umuna a maammiris iti testimonya ti maysa nga indibidual sakbay ti pormal ken opisyal a panakapaisidong iti programa.
Kasaruno ti rebelasyon ni sigud nga Ako Bicol Party-list Representative Zaldy Co, impasigurado ti ahensia a saan da nga isirra iti gundaway tapno maipan isuna iti WPP.
“Nothing prevents him from doing so if he wishes to apply. Wala pong prohibition if he does wish to file an application. But again, as with all other individuals who have filed applications with the WPP on a voluntary basis, we will have to assess whatever the contents of his testimony is, the authenticity of the same, and veracity of his claims,” segun kenni Justice Spokesperson Polo Martinez.
Impaganetget met ti tagapagsarita a rumbeng pay nga agsubli ditoy pagilian ni Co tapno personal nga ipila iti aplikasion na. #
