Indauloan ti Department of Justice ti panangipaay ti legal lectures kadagiti estudyante ti law school iti Region III sadiay Nueva Ecija.
Mainaig iti daitoy, 51 a law students ken 39 nga estudyante ti criminology manipud ti maysa nga unibersidad ti nagbenepisyar ti nasao a programa.
Panggep ti nasao nga lecture iti upskilling ken maisagana dagiti estudyante para iti pangadal da iti kinaabogasya ken para iti panangipatungpal ti linteg.
Naangay ti nasao nga aktibidad iti ti kakaisuna nga unibersidad idiay Cabanatuan City, Nueva Ecija babaen ti panangidaulo ti Department of Justice Action Center (DOJAC) ti Region III.
Maysa pay a panggep ti legal lectures ket tapno maipakita ken malawlawagan a nalaing dagiti estudyante nu kasatno nga aggar-garaw ti criminal justice system ditoy Pilipinas.
Karaman kadagiti nangibinglay ti adal ket isuda Attorney Earl V. Hernal ken ti facilitator a ni Department of Justice Action Center Region III Legal Assistant Clarence Antonio V. Hernal.
Pinaregta met ti Undersecretary ti Department of Justice a ni Atty. Margarita Gutierrez dagiti nakisalip nga agserbi kuma dagiti nasurwan da nga inspirasyon tapno makaipaay ti hustisya, saan laeng a ti manmano nu di ket para iti am-amin.
Kinuna ni Justice Secretary Jesus Crispin Remulla nga impaganetget daitoy ti kinapateg nga isagana dagiti masakbayan nga abogado ket law enforcers ti pagilian.
Segun kenkuana, ti hustisya ket saan laeng a para iti agdama a panawen nu di ket agnanayon – agingga inton sumaganad nga henerasyon.
