Inrekomendar ti Department of Justice (DOJ) iti panangipila ti kaso maibusor kenni Charlie Tiu Hay Ang, nga am-ammo kas Atong Ang, ken 25 a sabsabali pay mainaig iti serye ti panagpukaw dagiti sabungero.
Segun iti press statement ita nga aldaw, Disiembre 9, 2025, nakita ti panel of prosecutors iti prima facie evidence nga addaan ti “reasonable certainty of conviction” para iti pakabuklan a sangapulo a bilang ti kaso a Kidnapping with Homicide.
Karaman kadagiti akusado dagiti sumagmamano nga opisial ti polisia, tauhan ti pallutan, ken dagiti sigud nga empleado ni Ang.
Malaksid ditoy, adda ti sangapulo ket innem a bilang ti kaso a Kidnapping with Serious Illegal Detention iti naipila kontra iti kapada a grupo karaman dagiti sumagmamano a pulis a saan pay a nabigbig.
Iti pakabuklan, duapulo ket innem (26) a kaso iti maipila iti korte para iti panangisayangkat ti panagusig.
Dagitoy a kaso ket paset dagiti napagtitipon a kaso dagiti consolidated cases ti People of the Philippines vs. Charlie Tiu Hay Ang et al., mainaig kadagiti mammallot a mapukpukaw manipud tawen 2021 agingga 2022.
Kabayatanna, dagiti kaso a naipila maibusor kadagiti dadduma a respondents ket temporario a naibasura ngem mabalin a mapabiag manen no rummuar dagiti baro nga ebidensia.
Kidnapping with Homicide (10 counts):
Charlie Tiu Hay Ang @ Atong Ang
PLtCol. Ryan Jay Orapa
Rogelio Teodoso Borican Jr.
Rodelo Anig-ig
Jezrel Mahilum
Mark Carlo Zabala
Ronquillo Anding
PSMS Joey Natanauan Encarnacion
PEMS Aaron Ezrah Lagahit Cabillan
PMSG Michael Jaictin Claveria
PSMS Mark Anthony Aguilo Manrique
PSMS Anderson Orozco Abary
PSSG Edmon Hernandez Muñoz
PSSG Alfredo Uy Andres
PMaj Philip Almedilla
PLT Henry Sasaluya
PCMS Arturo Dela Cruz
PSMS Farvy Opalla Dela Cruz
PCpl. Angel Joseph Martin
Jezrel Lazarte Mahilum
Emman Cayunda Falle
Julious Tagalog Gumulon
PMSg Renan Lagrosa Fulgencio
Kidnapping with Serious Illegal Detention (16 counts):
Charlie Tiu Hay Ang @ Atong Ang
PLtCol. Ryan Jay Orapa
PMSg Michael Jacitin Claveria
Rodelo Anig-ig
Rogelio Borican Jr.
PSSG Alfredo Uy Andres
PMaj Philip Simborio Almedilla
PSMS Joey Encarnacion
PEMS Aaron Ezrah Lagahit Cabillan
John Does (dagiti saan pay a nabibig a pulis a paset iti grupo ni PLtCol. Orapa)
Iti agdama, maur-uray iti sungbat dagiti maak-akusaran para iti reaksionda.#
