Kidkiddawen ti Department of Justice ti korte a mangipaulog iti search warrant tapno masukimat dagiti naipadamag a mass graves iti uneg ti compound ti naraut a POGO hub a Lucky South 99 sadiay Porac, Pampanga.
Segun kenni Justice Undersecretary Nicholas Felix Ty, makikoordinar ti DOJ iti Presidential Anti-Organized Crime Commission (PAOCC) ken pannakabagi ti linteg para iti pannakaisagana dagiti dokumento iti search warrant application iti Regional Trial Court ken mangnamnama a sumarunon a maipila daytoy.
Kinuna pay ti opisyal nga indatag ni Justice Secretary Jesus Crispin Remulla ti imbestigasyon mainaig kadagiti naikali a natnatay nga tattao nga adda iti uneg ti compound ti Lucky South 99.
Immuna met nga impalgak ni PAOCC spokesperson Winston Casio a nakaawatda kadagiti report mainaig kadagiti nasao nga bangbangkay ken innayon na a nabigbigen dagiti imbestigador ken saksi ti posible a lokasion a mabalin a pagkalyan dagiti nadakamat a mass graves.
