Impaakdaar ti Department of Justice (DOJ) kadagiti ganggannaet nga agtultuloy nga agtartrabaho kadagiti kompania ti Philippine Offshore Gaming Operations (POGO) nga agsurrenderdn kadagiti otoridad no dida kayat ti mai-blacklist iti Bureau of Immigration ( BI).
Maibasar iti datos ti BI, adda pay laeng ti saan a kumurang nga 11k Chinese nationals a sapsapulen dagiti otoridad gapu ta saanda a nagparang iti deadline ti ahensia para iti deportationda idi Disiembre 31.
Karaman dagitoy kadagiti binallaagan ti DOJ gapu ta napaayda a nangi-downgrade iti visa ken nagtalinaedda ditoy pagilian kalpasan a nag-expire dagiti iggemda a visa.
Segun kenni Justice Secretary Jesus Crispin Remulla, paset pay laeng dagitoy a gannuat ti DOJ iti waragawag ni Presidente Ferdinand Marcos Junior a ‘total ban’ ti POGO ditoy pagilian.
Kabayatanna, agtultuloy metti manhunt operations ti BI kadagitoy nga ibilbilang ti DOJ kas ‘illegal aliens’.
