Inrebisar itan ti Department of Labor and Employment (DOLE) ti Alien Employment Permit (AEP).
Kinuna ni Labor Secretary Bienvenido Laguesma a napartuat ti nasao nga addang kalpasan ti pannakatiliw ti maysa a Chinese national a mapapati nga nag-espia ditoy pagilian.
Ti baro nga Alien Employment Permit ket adalen dagiti dokumento ken kissayan ti oras ti panagproseso para kadagiti work permit dagiti ganggannaet.
Iti napalabas a tallo a tawen, nangipaulog ti DOLE iti 192,573 nga Alien Employment Permits kadagiti ganggannaet nga agtartrabaho iti nadumaduma a lokal nga industria ditoy Pilipinas.
Ti kaaduan a bilang dagiti nakaawat iti Alien Employment Permits ket Chinese nationals, a dimmanon iti dandani 74,000 iti napalabas a tallo a tawen, sinaruno dagiti Vietnamese, Japanese ken South Koreans.
Inadmitir pay ti sekretario a saanda a basta-basta mamonitor no ag-espia ti ganggannaet nga aplikante ti Alien Employment Permit wenno saan.
