Inwaragawag ti Department of Science and Technology (DOST) idi Lunes a nakasaganada a tumulong iti aniaman a diskusion wenno panag-analisar mainaig iti posibilidad ti panagusar ti nuclear energy ditoy pagilian.
Iti maysa a press conference ti 2026 Regional Science and Technology Week ditoy Ilocos Region ket kenuna ni DOST Secretary Renato Solidum Jr. a kasapulan ti nalawag a patakaran tapno masigurado ti kinatalged iti pannakausar nuclear energy.
Sumaruno dayta iti plano ti sumagmamano a local government units (LGUs) a mangbangon ti nuclear power plants kas alternatibo a pagtaudan ti enerhia.
Nasken a ma-assess iti umuna nga addang para kadagiti posible a peggad ken risk assessment iti nasao a lugar.
Ti risk analysis ket mabalin nga agbaliw bayat a dumurdur-as ti teknolohia.
Naipasdek idi Setiembre 2025 babaen ti bileg ti Republic Act 12305 wenno ti Philippine National Nuclear Energy Safety Act ti Philippine Atomic Energy Regulatory Authority (PhilATOM).
Ti PhilATOM iti agbalin nga independent body a mangimaton iti regulasion ti nuclear energy, ken naisina iti DOST.
Tulongan ti baro nga ahensia ti DOST a mangitunos iti panangadal no kasano a mapagnumaran ti publiko iti nuclear energy.
Iti umuna a paset ti tawen, kenuna ti Department of Energy (DOE) nga ibilangda dagiti sumagmamano a lugar kas posible nga host para kadagiti nuclear power plants, karamanan ti Bataan ken Labrador idiay Pangasinan.###
