LA UNION – Inirutan ti Department of Transportation (DOTr) iti seguridad kadagiti istasyon ti Light Rail Transit (LRT) ken Manila Metro Rail Transit (MRT) gaputi report a panagadu iti krimen.
Segun iti DOTr Rail Sector, siguradwen da a saan a maulit pay dagiti pasamak ken amin nga inisyatibo ket aramiden da tapno malapdan iti anyaman a krimen.
Sumagmamano nga ar-aramiden da ket panangimuntar ti train marshall, nairut a koordinasyon kadagiti otoridad, panangimuntar iti kanayunan a CCTV ken panagnayon ti K9 units.
Maibasar iti kauddian a datos ti DOTr, nakailista da iti 67 a panag-dukutan manipud iti pakabuklan nga 44 milyon a pasahero ti LRT-1 manipud Enero agingga Hulyo bayat a 35 a kapada nga insidente iti LRT-2 ken 250 insidente iti MRT-3.
