LA UNION – Sumangsangon iti kaso a panaglabsing iti RA 10591 wenno illegal a panagikut kadagiti bala ken igam ti maysa a drug surrenderee a taga-Barangay Sevilla iti siudad ti San Fernando, La Union.
Nabigbig daytoy a ni Dino Flores, 30-anyos, addaan iti asawa, agindeg iti nasao a lugar.
Immuna iti daytoy, nangisayangkat iti anti-illegal drugs search operation dagiti otoridad kontra ken ni Lopez ngem nakumpiskar iti pagtaenganna ti maysa a home-made cal. 22 nga addaan iti magazine a naglaon iti innem a bala, 16 a bala ti cal. .380, 14 a live ammunitions ti cal. 22, pito a bala ti cal. 45, ken tallo a bala ti cal. 38.
Dagus met a kinemmeg dagiti otoridad ni Lopez ken nakabalud itan para iti umisu a disposision.
