LA UNION – Maysa a empleyado ti government hospital ken dua pay nga individual drug personality iti inarestar dagiti otoridad iti search warrant operation idiay Brgy. Camiling, Balaoan, La Union.
Babaen kenni PDEA RO 1 Regional Director III Joel Plaza, nabigbig dagiti suspek nga isuda: Dexter Mendoza Labong, 31 years old, awanan asawa; Allan Opeña Mendoza, 50-anyos: ken Rogelio Opeña Mendoza, 55-anyos, maysa a government hospital employee.
Segun kadagiti otoridad, dagiti suspek ket agkakabagyan ken agnanaed iti maymaysa a compound idiay Barangay Camiling ti nasao nga ili.
Nakumpiskar manipud iti pagtaengan ti managan Dexter iti 20 a pidaso ti heat-sealed transparent plastic sachet naglaon ti maipagarup a shabu, agdagsen ti nasurok kumurang 10 a gramo, ken aggatad ti P68,000.00
Karaman a nakumpiskar iti dua a brown coin purse, self-sealing plastic sachet, uppat a pakete ti plastic sachet, uppat a pidaso iti disposable lighter, black slingbag, mobile phone, emergency bag, brown mug, digital weighing scale, surgical scissor, ken maysa a caliber 39 revolver, naglaoan ti tallo a pidaso ti Bala.
Nakumpiskar met iti pagtaengan ni Allan Mendoza, ti dua a pidaso ti transparent plastic sachet naglaon iti maatap a shabu, agdagsen iti nasurok kumurang dua a gramo, aggatad ti 13,600.00 ken innem a piraso ti bala iti calibre 55
Bayat nga iti pagtaengan ni Rogelio Mendoza ket naala ti maysa a white envelope, naglaon ti tallo nga maipagarup a shabu, agdagsen iti nasurok kumurang maysa a gramo aggatad iti P6,800.00, maysa a rolled aluminium foil, maysa nga empty plastic sachet with traces of white crystalline substance, dua a pidaso ti improvised plastic scoop, dua a disposable lighters, sumagmamano nga aluminum foils with shabu residues, broken glass tooters,digital weighing scale, ken tallo a barbaro a glass tooters.
Dagiti tallo ket sumango iti violation ti Section 11 (Possession of Dangerous Drugs), ken Section 12 (Possession of Drug Paraphernalia), Article II of RA 9165, wenno Comprehensive Dangerous Drugs Act of 2002, ken Republic Act 10591 wenno Comprehensive Firearms and Ammunition Regulation Act.
Iti agdama dagiti suspek ket adda iti kustudiar ti PDEA RO I sadiay Camp Diego Silang, Carlatan, San Fernando City, La Union.
