LA UNION – Mangiyuswat ti imbestigasyon iti Department of Social Welfare and Development iti alegasyon ni Vice President Sara Duterte a maipagarop a mapul-pulitika iti panangipaay ti ayuda ti gobyerno.
Segun kenni DSWD Secretary Rex Gatchalian, maki-koordinar da nga umuna kenni VP Sara tapno amwen ti sibubukel a detalye seknan iti nasao nga isyu, tapno maimbestigaran a nasayaat daytoy.
Kinuna na a paset iti aramiden da nga imbestigasyon tapno madetermina nu adda iti personnel ti DSWD ti naglabsing iti allagaden ti ahensiya.
Siniguro ti sekretaryo a tul-tulongan ti DSWD iti siasinuman nga agkasapolan ti tulong adda man iti referral wenno awan.
Maipalagip nga iti insayangkat panagdengngeg iti gakat a pondo ti Office of the Vice President para inton 2025 idiay Senado, nadakamat ni VP Sara nga adda dagiti gundaway a pagkedkedan ti DSWD iti panangipaay ti tulong pinansiyal kadagiti iyin-induso ti OVP iti opisina da.
