LA UNION – Nagpakdaar ni Department of Social Welfare and Development (DSWD) Field Office 1 Regional Director Marie Angela Gopalan mainaig dagiti agwarwaras iti social media nga ayuda ken uray dagiti makaaw-awat ti text messeges, karaman pay iti pannaka-usar ti logo ti ahensya.
Inaramid ni Gopalan iti ballaag gapu iti umad-adu a maaw-awat da a reklamo ken biktima ti panangallilaw.
Binallaagan ti opisyal dagiti estudyante a nagturpos ken agturpos pay laeng, nga awan kinapudno na dagiti maidoay-diaya a P5,000 nga ayuda wennu assistance.
Segun pay kenkuana nga adda dagiti rumrumwar iti social media a pa-games, a nu i-click ket ibagbaga na a makaawat ti cash assistance, ngem amin dagitoy ket awan kinaagpayswanan na, isunga masapol nga agalerto ken saan nga agpaallilaw.
