Pinasingkedan ti Department of Transportation (DOTr) a nagpositibo ti ilegal a droga dagiti dua a drivers ti Solid North Bus company.
Sakbayna ket naipasidong ti mandatory drug test amin a drivers ti bus company kalpasan ti nakaam-ames nga aksidente ti maysa a unit na ken uppat a lugan a nagresulta ti pannakatay ti sangapulo a tattao ken nakadunoran ti nasurok a 30 sadiay SCTEX Tarlac Toll Plaza idi Mayo 1 kalpasan a akaturog ti driver da.
Laksid iti dayta ket kinuna ti ahensya a nagnegatibo ti mismo a driver ti bus a karaman ti karambola.
Nupay nagnegatibo ti ilegal a droga, kinuna ti Land Transportation Franchising and Regulatory Board (LTFRB) nga umin-inom met ti driver ti maintenance medication na a posible a nangigubuay ti pannakatuglep na nga agpaspasada.
Kabayatanna, maipasidong met ti confirmatory tests dagiti drivers a nagpositibo.
Kabayatanna, nangisayangkat metten ti inspeksiyon ti biang ti Land Transportation Office (LTO) kadagiti bus units ti Solid North bus company para kadagiti roadworthiness dagitoy.
Iti agdama ket dumanon ti 46 manipud kadagiti 276 bus units ti roadworthy bayat a madama met ti inspeksyon dagiti dadduma pay.
