Inallukoy ni Bise Presidente Sara Duterte ni Presidente Ferdinand Marcos Jr. nga agpaisidong ti drug test kalpasan iti alegasion ni Senadora Imee Marcos a maipagaruo nga agus-usar iti Presidente ken ti pamiliana ti ilegal a droga.
Iti maysa a panakiuman, kenuna ni Duterte a masapul a mangipakita ti resulta iti presidente tapno mapaneknekan a kabaelan na pay nga idauluan iti pagilian.
Idi napagsaludsodan no mamati isuna iti alegasion, kenuna ti Bise Presidente nga ibagbaga dagiti amin a makadkaduada iti party nga agar-aramat da ti droga.
Iti sabali a bangir, immunan a linawlawagan ti Palasio a negatibo iti agbalin a resulta ti drug test ni Presidente Marcos ken awan ti panggepna nga agapaisidong iti hair follicle test.
Saan met a nagkomento ti Bise iti posibilidad a suktan na iti Presidente no kaspangarigan maikkat iti puesto gapo ta kumaro laeng iti sitwasion.
Nakatuding met a dumar-ay ni Duterte iti Senate hearing inton Huebes, Nobiembre 27, para iti 2026 budget ti Office of the Vice President.#
