LA UNION -Umaboten ti dua a local government unit iti nagdeklara ti state of calamity, kasaruno ti panagbettak iti bulkan Kanlaon idi Lunes.
Immuna a nagdeklara iti City Government ti Canlaon idi aldaw ti Martes wenno maysa nga aldaw sakbay a bimtak ti bulkan, simmaruno iti ili ti La Castellana.
Iti siyudad ti Canlaon ket adda idiay Negros Oriental idinto a ti ili ti La Castellana ket sakopen met iti probinsya ti Negros Occidental.
Maibasar iti report ti National Disaster Risk Reduction and Management Council, dagiti dua nga ili ket agpada itan nga adda iti sidong ti state of calamity gaputi nakaru nga epekto iti panagbettak ti bulkan.
Kabilang ditoy dagiti talon a nabalkot iti tone-tonelada a dapo, naiyakar dagiti residente agraman iti taraken dagitoy a dingwen ken nairikep dagiti pasdek negosyo.
Maibasar iti kauddian a report ti NDRRMC, naapektatan ti pagbiagan dagiti 582 a pamilya wenno kaibatugan ti 2,017 nga indibidwal manipud iti innem nga ili ken t siyudad, nga agpada nga adda idiay Western Visayas ken Central Visayas.
