Maipasardeng laeng ti panagbiruk kadagiti bangkay dagiti “missing sabungeros” a mapapati a naibelleng idiay Taal Lake apaman a kumaro ti sitwasyon ti Bulkang Taal.
Daitoy ti kinuna ti Department of Justice (DOJ) kasaruno ti nailista dagiti nagsasaruno a nakakapsot a panagbettak ti main crater ti Taal.
Segun kenni Justice Secretary Jesus Crispin Remulla, maisardeng paylaeng ti search and retrieval operation apaman nu adda iti pangta ti seguridad agiti mangisaysayangkat iti misyon.
Kabayatanna, pinasingkedan met ti Justice Department a dagiti dua a sako a nasarakan da ket positibo a naglaon kadagiti tulang tao.
Nasarakan dagitoy iti espisipiko a “quadrant” idiay Taal Lake nga intudo iti whistleblower a ni Julie Patidongan alias Totoy a nangibellengan kadagiti bangkay dagiti “missing sabungeros”.
