Nagdinnungpar dagiti dua a vehikulo idiay Barangay San Agustin East, Agoo, idi Hulyo 4, 2023 alas 12:15 ti tengnga rabii.
Daytoy ket pakairamanan ti maysa nga Elf Truck (tanker) nga addaan ti plate Number nga RJE 585 ken kasta metten ti maysa a motorsiklo nga awananan ti plate number.
Nabigbig ti nagmaneho ti Elf Truck managan Ricardo Bayado, 31 anyos ,awanan asawa ,maysa a truck driver, ken residente iti Tudian, Mountain Province, bayat nga nabigbig met ti nagmaneho ti motorsiklo managan Christian Nagnason, 37- anyos,addaan ti live in Partner ken maysa a vegetable vendor.
Nabigbig met daytoy kaangkas ti motorsiklo managan Jayson Narag, 25-anyos, awanan asawa ken agpapada dagitoy nga residente ti San Nicolas Norte, Agoo, La Union.
Maibasar ti inisyal nga imbestigasyon ti Agoo Police Station kinunada nga sakbay nga napasamak daytoy aksidente ket dagiti dua a vehikulo ket agpada garud nga daldalyasatenda ti laud a direksyon ket daytoy nagmaneho ti Elf Truck ket immun-una,bayat nga sarsarunwen met ti maysa nga motorsiklo.
Gaputi pannakaidungpar ti motorsiklo manipod ti likudan ti Elf Truck ket nagsagaba ti nakaro a pannakadundunor ti nagmaneho ti motorsiklo karaman iti kaangkas na daytoy.
Kabayatanna, dagitoy dua a nadundunor ket nagmaneho ti motorsiklo ket dagos a naiturong idiay La Union Medical Center,Agoo La Union ngem naideklara daytoy nagmaneho ti motorsiklo a dead on arrival segun ti Attending Physician na a ni Dr. Joseph Mannix Galimba.
Iti kaangkas ti motorsiklo ket naiyakar iti sabali nga ospital para iti kanayonan a medikal a pannakaagas ken pannakatameng daytoy.
Saan pay a madetermina iti gatad ti perdisyon dagiti agpapada a vehikulo.
