LA UNION – dua a bilog ti nasaed ken pito a mangngalap ti inarestar dagiti otoridad idiay Aringay, La Union.
Dagiti nasao a fishing boat a namarkaan iti MERCY JOY 1 ken MYKA 1 ket imatmatonan dagiti boat captain a da Bernardo Malabanan ken Bernardo Turita.
Maibasar iti impormasion manipud iti Aringay Police Station, nangisayangkat iti panagpatrolya dagiti nagtitipon a puersa ti pulisia, Bureau of Fisheries and Acquatic Resources, ken Coast Guard iti kabaybayan a masakupan ti Barangay Samara idi nasaripatapatanda dagiti dua a bilog.
Sinaedda dagitoy ket naduktalan nga awananda iti permiso tapno agkalap iti nasao a paset ti kabaybayan bayat a nakumpiskar ti dua a crates ti lames nga agdagsen iti 60 a kilo.
Malaksid kada Malabanan ken Turita ket arestado dagiti kakaduada a da Walter Abordo, Iniana Malabana, Alex Villana, Felipe Asidera ken Alberto Turita a taga-ili ti Sto. Tomas ken Rosario.
Naiturong dagitoy iti istasion ti pulisia para iti kaskenan a disposision.
Kabayatanna, nagmulta iti kaskenan a gatad dagiti mangngalap gapu iti panaglabsingda iti ordinansa ti munisipio.
