BR LA UNION -Inarestar dagiti otoridad ti maysa a Wanted Person idiay Barangay Poblacion, Aringay, La Union, babaen ti insayangkat nga operasyon ti Aringay Municipal Police Station (MPS).
Iti suspek ket maysa a security guard, ken residente ti Brgy. San Antonio, Aringay, La Union.
Natiliw daytoy babaen ti bileg ti warrant of arrest nga impaulog ni Hon. Ma. Lorena L. Calo, Presiding Judge ti National Capital Judicial Region, Branch 30 idiay siyudad ti Mandaluyong, a napetsaan ti Oktubre 30, 2025, gaputi panaglabsing iti City/Municipal Ordinance, Omnibus Anti-Smoking Ordinance, nga addaan bail bond a ₱2,000.
Nairekord ti operasyon babaen ti Alternative Recording Device (ARD).
Kalpasan ti pannakatiliw na, dagus a naiturong iti Aringay Rural Health Unit idiay Aringay, La Union para iti medical examination, ken kalpasanna, naiturong iti Aringay MPS para iti umno a dokumentasyon ken disposisyon.
