Kumpirmado a natay dagiti dua a lallaki bayat a nakalasat met iti maysa a kadwa da kasaruno iti panagreggaay iti daga iti panganan idiay Shilan, La Trinidad, Benguet, bigat ti Huebes, Agosto 6.
Segun iti Benguet Police Provincial Office (BPPO), dagiti biktima ket agpada a kusinero iti bulalohan ken nagaburan dagitoy agarop alas-otso ti bigat ita nga aldaw, kasaruno dagiti uppat nga awan sarday a panagtudo.
Kinuna ni BPPO Provincial Director Police Colonel Dionisio Bonoy a dead-on-the-sport dagiti dua. Milagro met a nakalasat ti maysa pay a kadwa da a nagaburan nga itan ket maag-agasan iti ospital.
Kabayatanna, nagbilin dagiti otoridad kadagiti residente ti lugar nga agbakwit kas panagannad iti pangta ti posible a pannakaulit iti insidente.
