Nadundunor dagiti dua a lallaki ti napasamak a self vehicular accident ti national nighway a sakupen ti Barangay Poblacion Sur, Caba, La Union.
Nagkalubbon dagitoy ti maysa a Rusi motorcycle nga agmaris ti nalabbaga ken puraw, adaan plate number 010110.
Nabigbig ti nagmaneho ti motorsiklo a ni Bobby Rullan Sanidad, 57-anyos, addaan asawa ken tricycle driver; bayat a ti backrider ket ni Christina Rullan Valdez, 51-anyos, addaan asawa, ken agpada a residente ti Barangay Dallangayan Oeste, City of San Fernando, La Union.
Maibasar iti imbistigasyon dagiti otoridad, sakbay a napasamak ti aksidente, ti motorsiklo ket dumaldaliasat iti agpa-abagatan a direksyon ngem idi makadanon da ti Caba Bridge, kellaat nga adda iti immovertake a maysa a motorsiklo kadakuada isu a nagpaigid dagitoy ngem dita metten a naidungparna ti manmanehuen daytoy.
Nagsagrap ti pannakadundunor ti nagduduma a paset ti bagi dagiti dua a biktima ngem dagus met laeng dagitoy a naitaray ti Caba District Hospital babaen ti tulong dagiti responders.
Nakailista met ti perdisyon ti motorsiklo a nagluganada ngem saan pay a nadetermina ti pakabuklan a gatad daytoy.
Nagpalagip met dagiti kapulisan nga aggannad ti panagmaneho nangruna ita a matutudo ken saan a liwayan iti agsuot ti helmet ken reflectorized vest nangruna no rabii.
