TOKYO, JAPAN — Sipapannakkel nga inrepresentar ti DEFTAC La Union iti probinsya ken ti Pilipinas ti kalkalpas laeng a Jiu-Jitsu World Championship idiay Tokyo, Japan, a naangay manipud Setyembre 3–6, 2026.
Nagun-od ni Joey Gormley dagiti dua a bronze medals iti bukod na a dibisyon ken maysa pay para kenni Sha Casuga, para ti pakabuklan a tallo a medalya ti La Union.
Imbagi metlaeng ni Professor JR Rulloda ti probinsya iti sangalubongan a kampeonato ken impamatmat iti dedikasyon ken determinasyon iti maysa nga atleta a Pilipino.
Nagbinnulig iti International Sport Jiu-Jitsu Federation (ISJJF) ken Asian Sport Jiu-Jitsu Federation (ASJJF) kadaitoy a kompetisyon a nakisalipan dagiti top athletes ti nagduduma a pagilian.
Ipakpakita laeng iti kabaroan a balligi ti DEFTAC La Union ti naisangsangayan a disiplina dagiti atleta ken coaches da, kasta met a testamento a kabaelan a makigiddan dagiti Elyucanos ken Elyucanas iti sangalubongan nga entablado. | via Bombo Rafael Galano
Three medals. One team. One proud La Union.🥉
