Maysa nga estudiante ti naarestar kalpasan a nag-rampage wenno nariot sadiay Hosei University sadiay Tokyo, Japan.
Segun iti report ti Kyodo News, naaresto iti mismo nga eskuelaan ti suspek a ni Yoo Ju Hyun, maysa a 22-anyos a South Korean, second-year undergraduate a nagpalista iti Hosei University idi Abril 2023.
Daytoy ket kalpasan a rinautna dagiti estudiante iti Tama Campus babaen ti martilio idi malem ti Biernes.
Walo nga estudiante ti naireport a nasugatan iti insidente, pito ti nagsagaba iti sugat iti ulo.
Segun iti polis, ti babai nga estudiante ket inawat dagiti staff ti unibersidad agarup dua a minuto kalpasan ti insidente.
Impabigbig ti estudiante a ti panangraut ket gapu iti regular a panangirurumen ken panangbully kenkuana ket impagarupna a ti laeng solusion ket ti panangibales kadagiti padana nga estudiante.
Kabayatanna, naala iti sabali a classroom ti mapapati a martilio nga inusar ti suspek.
