LA UNION – Imbinglay ni sigud nga Iloilo City Mayor Jed Patrick Mabilog iti nagbalin a napait a kapadasan a, kalpasan a nairaman ti nagan na iti drug list ni sigud a Presidente Rodrigo Duterte, agingga a nagbalin a hit list.
Nagbalin nga emosyunal ni Mabilog ken saanna a nalapdan ti mapa-luwa iti hearing.
Iti affidavit ni Mabilog, nainget a pinagalibakanna a karaman iti illegal drug operations.
Kinapudno na, immaw-awat daytoy ti pammadayaw, saan laeng a local, ngem uray pay iti international level gaputa napapigsa na iti anti-drug campaign.
Tawen 2016 idi mairaman iti PRRD drug list ni Mabilog.
Tawen 2017 idi pimmanaw ni Mabilog idiay Iloilo tapno dumar-ay iti maysa nga engagement idiay Japan, ngem saanen a nagsubli ditoy pagilian, imbes ket nagdiretso idiay US ken kimmiddaw ti political asylum.
Nagpaut ti 15 months iti application na ti asylum idiay US agsipudta nag-imbestigar pay nga immuna ti Amerika seknan iti kaso na iti iligal a droga.
