Nangipatulod ti quad committee ti House of Representatives, a mangim-imbestigar kadagiti kaso ti extrajudicial killings kalpasan ti pannakaipatungpal ti war on drugs campaign ti napalabas nga administrasion iti imbitasion kenni sigud a Presidente Rodrigo Duterte.
Napetsaan ti imbitasion iti Oktubre 18, 2024 ken pinirmaan ti House Committee on Dangerous Drugs chairman a ni Robert Ace Barbers, ti overall chair ti quad committee.
Ipakaammo ti imbitasion kenni Duterte a ti hearing ket maangay iti alas 9:30 ti bigat inton Oktubre 22 idiay People’s Center Building ti House of Representatives, Batasan Complex, Batasan Hills, Quezon City.
Immunan a kinuna ni Duterte a tumabuno isuna kadagiti House hearings ngem saan met a timmabuno isuna kadagiti immun-una a panagdengngeg ti komite.
