LA UNION – Imbutaktak ni sigud nga Iloilo City Mayor Jed Patrick Mabilog iti House Quad Committee nu kasatnu nga inusar ti Duterte administration iti nadara nga anti-drug campaign a nakatayan dagiti ribu a Filipino saan laeng nga iti war on drugs, ngem ketdi nagbalin pay nga smokescreen tapno puntiryaen ken i-eliminate dagiti kalaban iti pulitika.
Ni Mabilog ket kabilang iti narco-list ni sigud a Presidente Duterte.
Inakusaran ni Mabilog iti sigud nga administrasyon a mangus-usar ti law enforcement agencies iti sidong ni sigud a PNP chief nga itan ket Senator Ronald Dela Rosa tapno ipakat ti pampulitika a panagibales.
Iti panagsango ni Mabilog iti Quad Comm nainget a pinaglibakanna a maysa isuna a drug protector ken agingga ita awan pay ti kaso a naidatag kontra kenkuana seknan iti illegal drugs.
Innayon pay ni Mabilog, nairaman ti nagan dagiti kalaban iti pulitika iti maysa a validated list dagiti drug personalities kasaruno ti PRRD List, iti laksid dagiti kuwestiyunable nga impormasyong ken kaawan ti validation ti anyaman nga ahensya ti gobyerno iti Malacañang initiated list.
Imbaga ni Mabilog a ti narco-list ni ex-PRRD ket nagbalin a “hit list”.
Imbutaktak pay ni Mabilog a namin-adu a daras a nagpangta ni Presidente Duterte iti media ken sangon-sango nga imbaga na nga ipapatay na daytoy.
