Naitaray iti ospital ni sigud a US House Speaker Nancy Pelosi kalpasan a nainjury manipud iti official trip na idiay Luxembourg.
Segun iti pannakangiwatna a ni Ian Krager, agtultuloy paylaeng ti panangpaagas ni Pelosi.
Karaman ni Pelosi a mangibagi iti California iti US House, ti bipartisan Congressional delegation idiay Luxembourg para iti panagrambak iti 80th anniversary iti Battle of the Bulge.
Innayon ni Krager nga agsubli ni Pelosi idiay US inton umimbag ti kasasaad nan kasta met a saanen a nadakamat no ania man dagiti sugat a sinagabana.
Immuna a nagbalin a House speaker ni Pelosi manipud 2007 agingga 2011 ken nakasubli iti panagbalin na a speaker idi tawen 2019.
Nagikkat laeng daitoy ti posisyon idi 2023 kalpasan ti nagsina nga uppat a tawen a termino iti panag-akem na.
