BR LA UNION – Inyanunsyo ti Philippine Air Force (PAF) ita nga aldaw ti Martes, Pebrero 4, a mapukpukaw ti maysa kadagiti FA-50 fighter jets-da bayat ti panangisayangkatda iti tactical night operation tapno suportaran dagiti ground troops.
Imbaga ni PAF spokesperson Colonel Maria Consuelo Castillo a napukaw ti kommunikasyon iti eroplano kadagiti dadduma a kakadwa da nga eroplano idi parbangon ti Martes.
Napasamak ti insidente sumagmamano a minuto sakbay a nakadanon ti jet iti target area.
Segun kenni Castillo, nangisayangkat ti nainget a panagsapul dagiti dadduma nga eroplano iti mapukpukaw a fighter jet agingga a napilitan dagitoy nga agsubli idiay Mactan, Cebu.
Innayon ni Castillo nga adda dua a piloto a nakalugan iti tunggal eroplano ken nakasuot dagiti piloto ti personal locator beacons.
Ngem nagkedked a mangipaay iti kanayunan nga impormasyon no maka-emit dagiti beacon ti signal.
Iti pannakapukaw ti FA-50 fighter jet ket maibilang nga kaunaan a dackel nga insidente a nakairamanan ti maysa a fighter aircraft iti pakasaritaan ti Philippine Air Force.
Nupay agdudua, agtaltalinaed a mangnamnama iti PAF iti kinatalged dagiti piloto.
Inallokoy ti PAF iti publiko a makipag-paset iti panagkararag bayat nga agtultuloy ti panang-sapol iti mapukpukaw nga eroplano ken crew daytoy.
