Bimmagsak ti P8/kilo ti farmgate price ti kamatis bayat iti tengnga ti panagaapit kas maibasar ti Samahang Industriya ng Agrikultura (SINAG).
Daitoy ket maysa bulan laeng manipud idi dimmanon ti agingga P350 ti kada kilo para iti retail price daitoy.
Segun kenni SINAG executive director Jayson Cainglet, lugi dagiti mannalon gapo iti agdama a presyo bayat nga adu kadakuada ti pinili lattan a saan paylaeng nga agapit.
Panagdepensa ni Cainglet, nangatngato ti magastar para ti panagapit nu idasig ti mapaglakwan kadaitoy.
Nupay pumabor ti agdama a sitwasyon kadagiti konsyumer nu nababa ti presyo ti kamatis kadagiti merkado, kasjay met iti pannakaliday dagiti mannalon gapo ta isuda ti kangrunaan a maap-apektaran iti nababa a farmgate price.
Segun iti SINAG, kasapulanen a makiballaet ti gobierno para iti mapaspasaran a nababa nga farmgate price kenmangaramid kadagiti maiyanatop nga addang tapno saan nga agtultuloy ti pannakalugi kadagiti mannalon ti kamatis.
