BR LA UNION – Kinaswan ni Federal Reserve Governor Lisa Cook ni US President Donald Trump, iti federal court idiay Washington, D.C., kadwa na da Fed Chairman Jerome Powell ken sibubukel a Board of Governors kas defendants.
Daytoy ket kalpasan a ginandat ni President Trump nga ikkaten ni Cook iti puwesto.
Kiniddaw ni Cook iti korte a saan a naingkalintegan ken awan bileg iti bilin ni Trump a maikkat daytoy iti pwesto.
Immunan nga imbaga ni Trump nga adda naan-anay a rason tapno ikkaten ni Cook gaputi biddut nga impormasyon nga imbaga na seknan kadagiti utang na nga adda pakainaigan iti dua a residential properties a kukua ni Cook.
Nakailanad pay kunana iti konstitusyon nga adda bileg ti Presidente a mangikkat kenni Cook.
