LA UNION – Pakabuklan a 54 a vote counting machines (VCM) iti naiturong idiay San Juan, La Union a mausar iti masungad nga eleksiyon inton Lunes, Mayo 9.
Iti pannakaiuman ti Bombo Radyo La Union kenni Pol. Major Napoleon Lango, acting chief-of-police idiay San Juan, La Union kinuna na a sinukon da dagiti nasao a makina ken dadduma pay nga election paraphernalia, manipud iti provincial hub idiay ili ti Bacnotan.
Dagiti nasao a 54 VCM ket naiturong metten iti 19 a polling centers idiay ili ti San Juan, a daytoy iti nairut a banbantayan dagiti nai-deploy a kameng ti San Juan PNP ken dadduma pay a force multipliers.
Kabayatanna, maisayangkat ita nga aldaw, Mayo 6, iti final testing and sealing kadagiti nasao a vote counting machine.
