BR LA UNION – Inawagan a fake news ti Department of Finance iti rimwar a report a mapatawan ti 20 percent a buwis dagiti urnong iti bangko dagiti depositors.
Adda pakainaiganna daytoy iti pannakaipatungpal ti Capital Markets Efficiency Promotion Act (CMEPA) idi Hulyo uno.
Kinuna ni Finance Secretary Ralph Recto, a ti laeng interest a magan-ganaran manipud iti maysa a depositor iti mabuwisan.
Inlawlawag na a saan a magaraw wenno mapatawan ti buwis iti pakabuklan a kuwarta ti maysa a depositor nga adda iti bangko.
Ti nasao nga addang ket nakapauneg iti Tax Reform Act of 1997 a sumagmamanon a dekada a maipatpatungpal.
Innayon pay ti sekretaryo a mabalin ti ag-damag kadagiti bangko nu adda iti panagdudua iti nasao a maipat-patungpal a linteg.
