BR LA UNION – Posible a mapasamak ti dakkel a panagngato ti presyo dagiti produkto a petrolyo iti sumaruno a lawas gapu iti agtultuloy a tensyon idiay Middle East a mang-apektar iti sangalubongan a presyo ti langis.
Iti maysa nga interview idi Sabado, kinuna ni Oil Industry Management Bureau Director Atty. Rino Abad a mabalin nga umabot iti:
Diesel — P19.00 kada litro
Gasoline — P9.00 kada litro
Kerosene — P31.00 kada litro
Nupay kasta, inlawlawag ti ahensya a posible pay a ngumato dagiti nadakamat a presyo agsipudta saan pay a karaman iti kalkulasyon ti dadduma a gastos kas ti insurance ken premiums.
Posible a maipatungpal daytoy nga staggard wenno babaen iti inaldaw a bassit a maitu-on wenno mamindua ti makalawas depende ti dakkel a panagngato na.
Nangat-ngato dagiti nadakamat a numero nu ikumpara iti immuna a patta-patta ti oil industry sources a P15.33 kada litro para iti diesel ken P7.09 kada litro para iti gasolina maibasar iti umuna a tallo nga aldaw ti trading ita a lawas.
Immunan nga imbaga ti ahensya a kiddawen da iti oil company nga in-inuten nga ingato ti presyo tapno saan a mabigla dagiti motorista.
Daytoy ket kasaruno ti apela ni President Ferdinand “Bongbong” Marcos Jr.
Kinuna ni Abad a kiniddaw dagiti oil company ti makalawas a panangadal ti aramiden da nga addang.
