Inwaragawag ni Ariel Lim, Presidente ti National Confederation of Tricycle Operators and Drivers Association of the Philippines (NACTODAP) ken lead convenor iti National Public Transport Coalition (NPTC) a nasaysayaat nu fleet card ti maibunong kadagiti tricycle operators ken drivers ngem iti P5K cash subsidy.
Impaganetgetni Lim a babaen ti fleet card ket nasigsiguron iti direkta a tulong a mausar para ti panaggatang ti krudo ken saan nga agtungpal ti sabali pay a babayadan.
Kagiddan na ket kinuna ti Department of Social Welfare and Development (DSWD) a mangrugi inton Marso 17, 2026 ket maiwarasen ti P5K fuel subsidy kadagiti nasurok 139,000 a tricycle drivers sadiay Metro Manila, a maaramid kadagiti 39 designated payout centers.
Segun kenni DSWD Secretary Rex Gatchalian, prayoridad dagiti tricycle drivers agsipud ta isuda ti apektado la unay iti naggigiddan a panagngato ti presyo ti langis.
Iti biang met ni Transportation Secretary Giovanni Lopez, ti P5K subsidy ket paset ti emergency assistance nga inaprobaran ni Presidente Ferdinand Marcos Jr. tapno makissayan ti sagubanit dagiti public utility drivers.
Agtalek dagiti transport coalition nga agbalin nga epektibo iti fleet card system agsipud ta transparent daitoy ken nalaklaka nga i-monitor ngem ti aktwal nga kwarta babaen ti ayuda.
Ti singasing a fleet card ket makitkita a praktikal ken makatulong iti panagpatalinaed iti operasyon dagiti tsuper bayat nga agtultuloy iti gyera idiay Middle East.
