Kinumpirmaran ti Civil Aviation Authority of the Philippines (CAAP) a nakansela pay laeng dagiti biahe ita nga aldaw nga agturong iti Northern Luzon gapu iti Bagyo Marce.
Karaman kadagiti nakansela ti biahe ket dagiti agpa-Tuguegarao, Cauayan, Basco, Laoag ken Palanan.
Segun iti CAAP, iti Cauayan Airport ket saan laeng a dagiti commercial flights ti nakansela no di ket karaman pay dagiti non-scheduled flights nga agturong kadagiti coastal areas.
Nasurok a lima gasut a pasahero ti apektado nupay awan met ti naipadamag a stranded.
Inpakaammo pay ti CAAP nga agtalinaed a makanselar dagiti flights nga agturong iti Northern Luzon agingga inton bigat.
Kabayatanna, mapatta-patta a nasurok a sangaribu a pasahero ti maapektaran iti pannakakansela ti biahe inton bigat.
