Agtalek ti defense team ni sigud a Presidente Rodrigo Duterte a maaabswelto ti sigud a presidente kadagiti sangsangwen na a crimes against humanity idiay International Criminal Court (ICC) ti kabiitan a panawen.
Daitoy ti nagbalin a sungbat ni lead defense counsel ken British-Israeli lawyer a ni Nicholas Kaufman idi madamag isuna.
Impunto pay ti high-profile international criminal defense lawyer nga awan ti hurisdiksyon ti kaso agsipud ta naglosolosen ti Pilipinas manipud iti Rome Statute idi pay tawen 2018 ken nagbalin nga epektibo idi 2019.
Impaganetget pay ni Kaufman nga “innocent until proved otherwise” ti sigud a presidente apaman saan a mapasingkedan dagiti charges kontra kenni sigud a presidente Duterte ket mawayawayaan daitoy a saanen a maipasidong pay ti panagdengngeg.
Nadamag pay ni Kaufman nu anya ti kangrunaan a makagapo nga ikosidera ti korte para i pannakaapobar ken panangited ti interim release.
Inlawlawag ti defense lead counsel a karbengan ti sigud a presidente a maikkan ti interim release a mabalin laeng a mapagkedkedan kadagiti napili a sirkumstansya.
Saan met a dinakamat ti international lawyer nu anya dagitoy ngem kinunana a ti nasao a sirkumstansya ket manglaplapped iti posible a panangipaay ti interim release ket awan iti agdama a kaso.
Kamaudiananna ket kinuna ni Kaufman a ti lantaran a panaglabsing ti karbengan ni Duterte babaen ti Article 59 ti Rome Statute ket maysa makagapo tapno itandudo ti panagkasapulan a maibilin ti interim release.
