Saan a makaatender ni dati a Presidente Rodrigo Duterte iti Quad Committee hearing ita nga aldaw.
Segun iti abogado ni Duterte a ni Attorney Martin Delgra, ababa unay ti oras manipud idi naawatda ti imbitasion ken iti mismo nga aldaw ti pannakadengngeg ti kaso.
Masapul pay a maikonsiderar ti kasasaad ti dati a presidente gapu iti edadna, salun-at, ken ti panagbiahena.
Kasubsubli laeng ni sigud a Presidente Duterte manipud Metro Manila manipud iti sumagmamano a meeting.
Posible met a makadar-ay isuna ti hearing no adda pay ti schedule inton sumaruno a bulan.
