Pinaregta ni Senadora Imee Marcos iti Department of Agriculture (DA) a nayunan iti ayuda iti krudo para kadagiti mangngalap.
Segun ti senador, aglayag ti maysa a mangngalap agingga iti 25 a daras kada bulan ken agusar ti agarup 15 a litro ti gasolina iti tunggal panagbiahe. Iti ₱85 tunggal litro, agarup ₱1,275 ti magastos iti kada aldaw wenno nasurok ₱30,000 iti kada bulan.
Gapu iti daytoy, kenuna ni Marcos a saan nga umdas ti ₱3,000 nga one-time assistance gapu ta saan nga agpaut ti tallo nga aldaw a panagkalap.
Impaganetgetna pay a nasken nga agtultuloy iti fuel subsidy wenno ikkaten ti excise tax ken VAT kadagiti produkto a petroleo.
Kinuestionaran pay ti senador iti naikari a ₱10 refund kada kilo ti krudo a napagsasaritaan iti hearing ti PROTECT Committee ngem aginggana ita ket saan pay a naipatpatungpal gapu ta madama pay laeng ti panagrepaso.
Innayon pay ni Marcos, ado a mangngalap iti mapilpilitan nga agsardeng iti panagtrabaho gapu iti kinakurang ti suporta, bayat nga agtultuloy nga umad-ado dagiti imported a sida a kalbanda iti merkado.###
