Impasiguro ti Malacañang nga agtultuloy ti supply ti gasolina para kadagiti ambulansya, fire trucks, ken police vehicles nga uray nu nangipatungpal ti panagsalimetmet ti enerhiya iti gobierno.
Segun kenni Executive Secretary Ralph Recto, saan a mabalin a matipid iti serbisyo a ti nakapusta ket ti kinatalged ken ti pagsyaatan ti publiko isu nga agtalinaed a normal ti operasyon dagitoy ti aniaman nga oras ken sitwasyon.
Nu ketdi, kadagiti sabali a lugan ti gobierno lattan a maipatungpal ti panagtipid ti gasolina tapno masiguro nga adda iti umdas a supply para ti emergency response.
Panggep met a ti gobierno a makissayan ti agingga 20% iti konsumo ti enerhiya dagiti support ken auxiliary offices ti nagduduma nga ahensya, kas maiyannurot ti direktiba ni Presidente Ferdinand Marcos Jr.
Inlawlawag ti Malacañang a tarigagay ti addang a salakniban dagiti napapateg a serbisyo bayat a sumangsango ti pagilian iti epekto dagiti nagsasaruno a bigtime oil price hikes.
