Nagkedked ni Ghislaine Maxwell, a maipagarup a kakumplot ti pimmusay a convicted sex offender a ni Jeffrey Epstein, a sungbatan dagiti damag ti US House Oversight Committee ken in-invokena ti Fifth Amendment right kontra ti self-incrimination.
Ni Maxwell, 64, ket agserserbi ita ti 20-tawen a pannakakulong kalpasan a masentensiaan iti kaso a sex trafficking. Isuna laeng iti nakedngan mainaig kadagiti krimen ni Jeffrey Epstein, a natay iti pagbaludan idiay New York idi 2019 bayat nga ur-urayenna ti proceedings.
Segun ti abogadona a ni David Markus, nakasagana ni Maxwell nga agsao no ikkan isuna ni US President Donald Trump ti clemency.
Nupay adda ti rimuar a minilyon a dokumento manipud ti US Department of Justice (DOJ) mainaig kenni Epstein ket ti naipila a baro a kaso.
Ti dokumento ket nairuar babaen ti Epstein Files Transparency Act (EFTA) a manglaplapped iti panag-redact ti records gapu ti “embarrassment, reputational harm, or political sensitivity,” malaksid laeng no protektado iti pakabigbigan dagiti biktima.
Segun kadagiti sumagmamano a miembro ti Kongreso, adda dagiti nagan ti prominente ken posible a karaman iti krimen a na-redact, karaman iti negosyante a ni Les Wexner, billionaire ken makinkukua ti Victoria’s Secret, a naitudo kas co-conspirator.
Sakbayna ket nangipatulod ti US House Oversight Committee ti subpoena kenni Clinton ken ti asawana, a sigud a Secretary of State a ni Hillary Clinton, tapno mailawlawag iti relasion da kenni Epstein.
Kiniddaw met dagiti Clinton nga isapubliko ti testimonyada tapno maliklikan a mapolitika dagiti Republican.
Saan pay met nga impaayab ti kumite ni Trump a sigud a nasinged a gayyem ni Epstein.###
