Maisayangkat ti KADIWA Pop-Up Store idiay ili ti Balaoan, La Union, partikular iti Municipal Hall Grounds inton Biyernes, Pebrero 13, 2026.
Ti KADIWA ket programa ti Department of Agriculture (DA), a maipatungpal babaen ti pannakitinnulong ti Municipal Agriculture Office (MAO) ti ili.
Panggep daytoy nga idanon kadagiti umili dagiti sariwa, de kalidad, abot-kaya, ken tapno matulungan dagiti lokal a mannalon ken babassit a negosiante.
Manamnama a magatang ditoy dagiti nadumaduma nga agrikultural a produkto kas iti gulay, prutas, ken nadumaduma pay a kangrunaan a kasapulan dagiti umili.###
