BR LA UNION – Napaay iti Gilas Pilipinas iti home team a Chinese Taipei, 91-84, iti final window ti 2025 FIBA Asia Cup qualifiers.
Segun kenni Gilas Pilipnas coach Tim Cone a raemenna unay iti laing ti Chinese Taipei gaputa uray kasatnu ti inaramid da a panagkamat ket saan a nagpa-atiw dagitoy.
Nagtalinaed iti composure da ken simrek dagiti bola isunga deserve da a talaga ti mangabak.
Nupay qualified ti Gilas iti FIBA Asia Cup a maisayangkat idiay Saudi Arabia ket tarigagay da latta a maartapan dagiti makasango da iti qualifiers.
Immabot ti 13 iti lamang ti Chinese Taipei agingga a naibaba da daytoy iti 80-79.
Nasayang met iti inaramid a 39 points ni Justin Brownlee bayat a 16 points ti nailista ni Dwight Ramos ken 10 points, innem a rebounds ni AJ Edu.
Sumaruno a makasango ti Gilas iti New Zealand inton Domingo, Pebrero 23.
