Dinayaw ni Speaker Ferdinand Martin G. Romualdez ti panagbigbig ti Google Maps a ti Pilipinas ti addaan ti hurisdiksyon iti West Philippine Sea (WPS) ken pammaneknek iti daitoy ti lumawlawa a suporta ti intero a lubong para it posisyon ti pagilian iti kangitingitan ti agresyon ti China.
Segun kenni Speaker Romualdez, napintas a damag daitoy para kadagiti Pilipino kasta met a ‘proper and consistent labeling’ para met ti West Philippine Sea.
Impaganetget na a senyales daitoyen ti panagbigbig ti lubong kadagiti sovereign rights ti Pilipinas iti maritime areas na iti Exclusive Economic Zone (EEZ).
Impunto ni Romualdez a ti addan a daitoy ket dakkel a suporta iti nabayagen a tignay ti Pilipinas maipapan ti isyu kas maiyannurot metten ti Arbitral Ruling idi tawen 2016 a nabigbig ti legal a karbengan ti pagilian iti sidong ti international law.
Kinunana a daitoy a panagbigbig ket saan laeng a teknikal wenno panangipirmis ti kartograpiya nu di ket pakasaritaan a balligi iti tay-ak ti politika.
Pagsarmingan iti addan para ti tarigagay dagiti minilyon a Pilipino nga ipaglaban ti soberanya iti Pilipinas.
Binigbig pay ti Speaker dagiti diplomatiko a panangasikaso ti pagilian, ken inyunay-unay na a ti nakapia a panangipaganetget ti linteg ket agtultuloy a mangparpartuat ti positibo a resulta.
Imbatad na ti namnama a a ti sabali nga institusyon ken pagilian ket sumaruno iti nasao nga addang a maiyannurot met iti international law.
