Nagpadispensar ni Gobernador Matthew Marcos Manotoc iti publiko gapu iti saan a panangkansela iti klase idi kalman.
Segun kenkuana, impagarupna a nasaysayaat ti agbalin a panawen ngem saan met daitoy a napasamak.
Kinunana a sangapulo a porsiento ti probinsia ti naapektaran iti pannakadadael ti Bagyo Julian.
Inlawlawagna pay a no mabalin ket dina kayat a suspendeen ti klase dagiti estudiante gapu ta sayang ti productivity ken panagadalda.
Inbatad na nga inimplementar na ti localized approach kadagiti Local Chief Executives ken School Heads a mangkansela ti klase agsipud ta ad-adda a makitkita da ti sitwasyon iti lugar da.
Kabayatanna, imbaga ni Gobernador Manotoc iti publiko nga ad-adda nga agannad isuna iti panangkansela iti klase babaen kadagiti precautionary measures.
