LA UNION – Nasap-sapa ngem alas 6:00 ti bigat idiay Estados Unidos, adun dagiti lugar wenno states iti intero a pagilian ti naglukat ti polling places tapno rugyan ti panagbotos dagiti milyon a tattao.
Pakaibilangan ditoy dagiti battleground states a Georgia, Pennsylvania ken Michigan.
Dadduma a polling sites ket naglukat da iti alas 8:00 ti bigat.
Nangrugi metten nga agbotos dagiti Americans idiay Alabama, Delaware, District of Columbia, Florida (8am ET in parts of the Florida Panhandle on Central time), New Hampshire (Opening times vary by county with the earliest starting at 7am ET), Illinois, Indiana, Kansas (Varies by county), Louisiana, Maryland, Massachusetts, Missouri, Rhode Island (Polls in New Shoreham open at 9am ET), South Carolina ken Wyoming.
Nasurok 78 million nga Americans ti nalpasen a nagbotos babaen ti mail-in ballot ken in-person sakbay ti election day ita nga aldaw.
Minilyon nga Americans ti agturong iti naduma-duma a polling places ita nga aldaw, tapno ibotos ti sumaruno a Presidente ti Amerika.
Ngem saan a dagitoy iti direkta a mangibotos iti Presidente, nudiket dagiti newly elected House of Representatives.
Iti sidong ti US system, dagiti citizens ti mangpili iti 538 members iti grupo a maaw-awagan ti Electoral College, nga isu met ti mangibotos iti Presidente ken Bise-Presidente.
Kasapolan a makagun-od ti at least 270 electoral votes iti maysa kada Vice President Kamala Harris ken former President Donald Trump, tapno mangabak.
Dagiti battleground states nga Arizona, Georgia, Michigan, Nevada, North Carolina, Pennsylvania ken Wisconsin ket makunkuna a napateg ti botos da para iti panagballaygi ti maysa a kandidato.
Agpar-parang kadagiti report ti naduma-duma a media outfit idiay Amerika a napinget ken dikket ti laban dagiti kangrunaan nga agbalubal, da Trump ken Harris.
Ni Donald Trump ket agtalinaed iti balayna a Mar-a-Lago idiay Palm Beach, Florida bayat a ni Kamala Harris ket namnamaen nga urayenna ti resulta ti eleksiyon iti alma mater na idiay Howard University idiay Washington, D.C.
Kabayatanna, first time in history sipud idi 1960, nalpasen ti binnotosan iti bassit a lugar ti Dixville Notch idiay New Hampshire, idi tengngat rabii sakbay ti election day ita nga aldaw.
Naamwan a nag-tabla da Harris ken Trump babaen ti three votes.
Iti nasao a lugar ket addaan ti innem a botante.
