LA UNION – Agpada a nag-o-overtime iti panagkampanya da Kamala Harris ken Donald Trump tapno maala ti botos dagiti botante idiay Michigan.
Maipalagip nga inabak ni President Joe Biden iti Republican a ni Trump babaen ti 155,000 margin idiay Michigan idi 2020 kalpasan a nagun-od na iti adu a suporta manipud iti komunidad dagiti Muslim ken Arab American.
Dackel a panagbal-baliw daytoy sipud idi 2016, idi abaken ni Trump ni Hillary Clinton babaen ti 11,000 a botos.
Sumangsango ni Harris iti mas dac-dackel a karit gaputi nalawa a pungtot ken pannakapaay iti agtultuloy a military US support para iti gubat ti Israel idiay Gaza, nga ita ket dimmanon metten idiay Lebanon.
Direkta nga immapela ni Trump iti komunidad ti Arab American ket nagkari nga ileppas na dagiti gubat idiay Middle East a personal a nakaapektaran ti kaadwan.
Kabayatanna, nangipaay ni Trump ti maudi a waragawag ti suporta idiay Pennsylvania, ti kadackelan kadagiti pito nga estado a manamnama a pagdesisyunan i eleksiyon iti kina-presidente idiay US.
Nangipaay met ti closing pitch ni Harris para iti kina-presidente idiay Estados Unidos iti maysa a napnuan pakasaritaan a Black church iti battleground state idiay Michigan.
