LA UNION – Agtugaw iti maysa a victim interview ti Federal Bureau of Investigation (FBI) ni ex-US President ken agdama a Republican presidential nominee Donald Trump mainaig iti assassination attempt kenkuana bayat ti campaign rally idiay Pennsylvania idi Hulyo 13.
Saan met a nangituding ti FBI ti petsa no kaatno a maisayangkat ti nasao nga interbyu ngem kinunana a maisayangkat ti standard victim interview kenni Trump a kas iti ar-aramidenda kadagiti biktima ti krimen.
Segun kenni FBI special agent Kevin Rojek, kayatda a maala ti perspektibo ni Trump a napaliiwna idi napasamak ti pammaltog.
Iti laksid nga adu iti ebidensiya, blangko pay laeng dagiti imbestigador iti motibo ti natay a suspek a ni Thomas Matthew Crooks.
Kabayatanna, iti baro nga impormasyon a nairuar, iti 20-anyos a suspek ket nasiputan ti Swat Team, nasurok 90 a minuto sakbay a napasamak ti assassination attempt, daytoy ket nasapsapa ngem iti immna a naipadamag.
