LA UNION – Agtultuloy a dukduktalen ti Aringay Police Station ti motibo iti pammapatay iti maysa nga operator ti heavy equipment idi rabii.
Immuna iti daytoy, dead on arrival iti La Union Medical Center idiay ili ti Agoo ti biktima a ni Alfredo Ruiz, 37-anyos, residente ti Barangay San Eugenio kalpasan a nagsagaba iti tallo a tama ti bala it naduma-duma a paset ti bagina.
Maibasar iti imbestigasion dagiti otoridad, adda iti trabahona para iti flood control project idiay Barangay Sta. Cecilia ti biktima idi napasamak ti pammaltog.
Nagkedked met dagiti katrabaho ni Ruiz nga agkomento seknan iti insidente.
Sakbay ti insidente ket maibagbaga a nakiinom pay ken adda ti nakarinnikiar ti biktima.
